'འཛམ་གླིང་རྐང་སྤོལ་གསེར་བུམ་འགྲན་བརྩོད།
༢༠༡༠ ལོའི་འཛམ་གླིང་རྐང་སྤོལ་རྩེད་འགྲན་ནི་དེ་རིང་ཕྱི་དྲོའི་ཆུ་ཚོད་ ༧ དང་སྐར་མ་ ༣༠ སྟེང་ལྷོ་ཨ་ཧྥུ་རི་ཁའི་རྒྱལ་ས་ཇོ་ཧན་ནིས་སི་བྷག Johannesburg དུ་འགྲན་མགོ་ཚུགས་རྒྱུ་དང་། ཐོག་མའི་འགྲན་རྩེད་རུ་ཁག་གཉིས་ནི་ལྷོ་ཨ་ཧྥི་རི་ཁ་དང་མེག་སེ་ཁའོ་གཉིས་རེད། དབུ་འབྱེད་མཛད་སྒོའི་སྐུ་མགྲོན་གཙོ་བོར་དགུང་ལོ་ ༩༡ ལ་ཕེབས་པའི་ལྷོ་ཨ་ཧྥི་རི་ཁའི་ཞི་བདེ་དེད་དཔོན་ཆེན་མོ་ནེལ་སོན་མན་ཌ་ལ་ཕེབས་ འཆར་ཡིན་ཡང་། ཁོང་གི་ཚ་མོ་ཞིག་ཁ་སང་དགོང་མོ་རླངས་འཁོར་བརྡབ་སྐྱོན་གྱིས་འདས་གྲོངས་སུ་ ཕྱིན་སྟབས་ཁོང་ཕེབས་ཐུབ་ཡོད་མི་འདུག ལྷོ་ཨ་ཧྥི་རི་ཁའི་ཞི་བདེའི་དེད་དཔོན་ནེལ་སོན་མན་ཌ་ལ་ཐེབས་རྩ་ཁང་གིས་ནེལ་ སོན་མན་ཌ་ལ་ཁོང་ཉིད་མཛད་སྒོར་ཕེབས་ཐུབ་རྒྱུ་མིན་པའི་གསལ་བསྒྲགས་བྱས་ཀྱང་། མཛད་སྒོ་དེ་ནི་མུ་མཐུད་ནས་ཨ་ཧྥི་རི་ཁའི་གཟི་བརྗིད་ཅིག་ཏུ་བརྩིས་ཏེ་དགའ་ སྤོབས་ཀྱི་ངང་འཚོགས་རྒྱུ་ཡིན་པའི་གསལ་བསྒྲགས་བསྐྱངས་ཡོད་པ་རེད། ད་ལོའི་འཛམ་གླིང་རྐང་སྤོལ་རྩེད་འགྲན་ཐེངས་བཅུ་དགུ་པ་འདི་ནི་ལྷོ་ཨ་ཧྥུ་རི་ ཁར་འཚོགས་པའི་འཛམ་གླིང་རྐང་སྤོལ་རྩེད་འགྲན་ཐོག་མ་དེ་ཆགས་ཡོད། རྐང་སྦོལ་རྩེད་འགྲན་འདིར་འཛམ་གླིང་གླིང་ཆེན་ལྔའི་རྒྱལ་ཁབ་༣༢ ཀྱི་རྐང་སྤོལ་རྩེད་འགྲན་རུ་ཁག་མཉམ་ཞུགས་དང་། ལྷོ་ཨ་ཧྥུ་རི་ཁའི་གྲོང་ཁྱེར་དགུའི་རྩེད་འགྲན་ར་བ་བཅུའི་ནང་དུ་ཁྱོན་བསྡོམས་ འགྲན་ཐེངས་ ༦༤ བརྒྱུད་འཛམ་གླིང་རྐང་སྤོལ་གསེར་གྱི་བུམ་པ་འགྲན་བརྩོད་བྱ་རྒྱུ་རེད། དེ་རིང་ཕྱི་དྲོའི་ཆུ་ཚོད་ ༧ དང་སྐར་མ་ ༣༠ སྟེང་ལྷོ་ཨ་ཧྥུ་རི་ཁའི་རྒྱལ་ས་ཇོ་ཧན་ནིས་སི་བྷག་ཏུ། ཐེངས་བཅུ་དགུ་པའི་འཛམ་གླིང་རྐང་སྤོལ་རྩེད་འགྲན་གྱི་མགྲོན་བདག་རྒྱལ་ཁབ་ལྷོ་ ཨ་ཧྥུ་རི་ཁ་(South Africa) དང་མེག་སི་ཁོ ( Mexico) གཉིས་བར་ཐེངས་འདིའི་རྐང་སྤོལ་འགྲན་བསྡུར་གྱི་འགྲན་རྩོད་ཐོག་མ་དེ་བྱ་རྒྱུ་ རེད། ཕྱི་ཚེས་ ༡༢ ཉིན་ནས་བཟུང་རྒྱ་གར་གྱི་ཕྱི་དྲོའི་ཆུ་ཚོད་ ༥ དང་ཆུ་ཚོད་ ༧ ། མཚན་མོའི་ཆུ་ཚོད་ ༡༢ བཅས་སུ་ཉིན་རེར་འགྲན་ཐེངས་གསུམ་རེ་རྩེད་རྒྱུ་དང་། ཐོག་མའི་འགྲན་རྩོད་རིམ་པ་དེ་འགྲན་བསྡུར་རུ་དཔུང་ ༨ དུ་ཁག་བགོས་ཏེ་འགྲན་བསྡུར་བྱས་རྗེས་རུ་དཔུང་རེ་ནས་རྩེ་གྲོས་རུ་ཁག་གཉིས་རེ་ བདམས་ཐོན་དང་། དེ་རྗེས་འགྲན་བསྡུར་རུ་ཁག་གཉིས་རེ་བར་ཐད་ཀར་རྒྱལ་ཕམ་འགྲན་རྩོད་བརྒྱུད། ཕྱི་ཟླ་ ༧ པའི་ཚེས་ ༡༡ ་མཚན་མོའི་ཆུ་ཚོད་ ༡༢ སྟེང་ཆེས་མཐའ་མའི་རྟིང་རྩོད་འགྲན་བསྡུར་བྱ་རྒྱུ་རེད། ཐེངས་འདིའི་འཛམ་གླིང་རྐང་སྤོལ་འགྲན་བསྡུར་གྱི་དབུ་འབྱེད་མཛད་སྒོ་ནི་ཕྱི་ དྲོའི་ཆུ་ཚོད་ ༥ :༣༠ (རྒྱ་གར་ཆུ་ཚོད) སྟེང་ལྷོ་ཨ་ཧྥཱུ་རི་ཁའི་རྒྱལ་ས་ཇོ་ཧན་ནིས་སི་བྷག ་གི་རྐང་སྤོལ་རྩེད་འགྲན་ར་བར་ཚུགས་རྒྱུ་ཡིན་པ་དང་། མཛད་སྒོའི་སྐུ་མགྲོན་གཙོ་བོར་དགུང་ལོ ༩༢ ་ལ་སོན་པའི་ལྷོ་ཨ་ཧྥུ་རི་ཁའི་ཞི་བདེ་དེད་དཔོན་ཆེན་མོ་ནེལ་སན་མན་སྒྲེ་ལ་ མཆོག་ཕེབས་རྒྱུ་ཡིན་ནའང་། སྐུ་གཟུགས་བདེ་མིན་གྱི་རྐྱེན་པས་སྐར་མ་ ༡༥ རིང་ལ་མ་གཏོགས་ཚོགས་རར་བཞུགས་རྒྱུ་མིན་པ་རེད། ཆུ་ཚོད་ཕྱེད་ཀའི་རིང་གི་དབུ་འབྱེད་མཛད་སྒོའི་ཐོག་འཛམ་གླིང་གི་སྙན་གྲགས་ཅན་ གྱི་གླུ་བ་དང་གླུ་མ། ཞབས་བྲོ་བ། འཁྲབ་སྟོན་པ། སྒྱུ་རྩལ་བ་བཅས་མི་གྲངས་༡༥༨༡ མཉམ་ཞུགས་དང་། དེ་བཞིན་རྒྱལ་ཁབ་ ༢༡༤ ནས་སླེབས་པའི་གསར་འགོད་པ་ ༥༠༠ ལྷག་གིས་དུས་གཅིག་ཏུ་འཛམ་གླིང་ཡུལ་གྲུ་སོ་སོའི་ལྟད་མོ་བ་མི་གྲངས་དུང་ཕྱུར ༣༠ ལྷག་ལ་བརྙན་འཕྲིན་དང་། དྲ་བ། རླུང་འཕྲིནསོགས་བརྒྱུད་གནས་ཚུལ་མཁོ་གཏོང་བྱ་རྒྱུ་རེད། ཟླ་གཅིག་རིང་གི་རྐང་སྤོལ་འགྲན་རྩེད་སྐབས་དཔྱད་བརྗོད་པ་དང་བརྙན་ལེན་པ། ལག་རྩལ་བ་བཅས་ཆེད་མཁས་པ་ཆིག་ཁྲི་སུམ་སྟོང་ལྷག་གིས་བསྡོམས་པས་ཆུ་ཚོད་ ༧༣༠༠༠ གི་དུས་ཡུན་རིང་ ཕྱག་ལས་གནང་སྟེ་འཛམ་གླིང་ཡུལ་གྲུ་སོ་སོར་རྩེད་འགྲན་ལྟད་མོ་ཐད་གཏོང་བྱ་བཞིན་ ཡོད་འདུག
 
 
པར་དབང་ཡོད་ཚད་ཤེས་བྱ་ཀུན་འདུས་རྩོམ་སྒྲིག་ཁང་ལ་དབང་བས་ཆོག་མཆན་མ་ཐོབ་པར་བརྒྱུད་འགོད་རིགས་བྱེད་མི་ཆོག
MEEC-Tilak Building, Bhagsu Road,Mcleod Ganji,Dharamsala,Distt.Kangra ( H.P ) Pin-176219- INDIA
འབྲེལ་གཏུགས་ཁ་པར་ཨང། 0091-9418143052 ཨ་རི-00181-23301249
( དྲ་རྒྱ་བཟོ་འགོད་པ་-ཆོས་འཕེལ། Contact-Email ( gyal25@gmail.com )ཁ་པར-9816235456 )