མངའ་རིས་གནམ་གྲུ་ཐང་།
རྒྱ་ནག་གི་གསར་ལམ་ཁག་ཏུ་གནས་ཚུལ་ཐོན་པ་ ལྟར་ན། སྟོད་མངའ་རིས་དགུན་ས་གནམ་གྲུ་ཐང་གི་འཛུགས་སྐྲུན་ཡོངས་སུ་གྲུབ་སྟེ། སང་ཉིན་ཟླ་ ༧ ཚེས་ ༡ ཉིན་གནམ་གྲུ་དངོས་སུ་གཏོང་མགོ་འཛུགས་རྒྱུ་ཡིན་པ་དང༌། ལྷ་ས་ནས་མངའ་རིས་གནམ་ཐང་བར་ཆུ་ཚོད་ཕྱེད་ཙམ་ནང་སླེབས་ཐུབ་ཅིང་སྤྱི་ལེ་ ༡༠༩༨ ཙམ་ཡོད་འདུག གཟའ་མིག་དམར་དང་པ་སངས་བཅས་གཟའ་འཁོར་རེ་ཐེངས་གཉིས་རེར་གཏོང་འཆར་ཡོད་པ་དང༌། ལྷ་ས་ནས་མངའ་རིས་བར་གྱི་གནམ་གྲུའི་འཛིན་བྱང་ལ་རྒྱ་སྒོར་ ༢༥༩༠ ཡིན་འདུག བོད་རང་སྐྱོང་ལྗོངས་འོག་གི་གནམ་ཐང་བཞི་བ་དང༌། འཛམ་གླིང་ཡོངས་ཀྱི་ས་བབ་མཐོ་ཤོས་ཨང་གསུམ་པའི་གནམ་ཐང། མཚོ་ངོས་ནས་མཐོ་ཚད་སྨི་ ༤༢༧༨ ཡོད་པའི་མངའ་རིས་དགུན་ས་གནམ་ཐང་གི་འཛུགས་སྐྲུན་ཆེད་རྒྱ་སྒོར་དུང་ཕྱིར་ ༡༦ ལྷག་བཏང་ཡོད་འདུག་ལ། ད་ཆར་ལོ་གསུམ་ལྷག་རིང་གི་འཛུགས་སྐྲུན་ལས་གཞི་ཡོངས་སུ་རྫོགས་ཏེ། སྔར་ལོའི་ཕྱི་ཟླ་ ༡༠ ཚེས་ ༡༣ ཉིན་ཚོད་ལྟའི་གནམ་གྲུ་དང་པོ་འཕུར་སྐྱོད་བྱས་ཡོད་ཅིང་། ད་ལོའི་ཟླ་ ༤ ཚེས་ ༨ ཉིན་ཚོད་ལྟ་གཉིས་པ་དང༌། ཟླ་ ༥ ཚེས་ ༢༨ ཉིན་ཚོད་ལྟ་གསུམ་པ་ལེགས་འགྲུབ་བྱུང་སྟེ། སང་ཉིན་ཏེ་ཕྱི་ཟླ་ ༧ ཚེས་ ༡ ཉིན་དམངས་སྤྱོད་འགྲུལ་སྐྱེལ་གནམ་གྲུ་ཐོག་མ་དེ་འཕུར་སྐྱོད་བྱ་རྒྱུ་ཡིན་འདུག རྒྱ་གཞུང་གིས་བོད་རང་སྐྱོང་ལྗོངས་གཅིག་པུའི་འོག་ཏུ་ད་ཆར་གནམ་གྲུ་འབབ་ཐང་ ཆེན་པོ་ ༤ ཙམ་བརྒྱབ་ཡོད་ཅིང་། གཞིས་རྩེ་གནམ་ཐང་རྒྱག་མུས་ཡིན་འདུག གནམ་ཐང་དེ་དག་ནི། ལྷ་སའི་གོང་དཀར་གནམ་གྲུ་འབབ་ཐང་དང་ཆབ་མདོ་སྤང་མདའ་གནམ་གྲུ་འབབ་ཐང༌། ཉིང་ཁྲིའི་སྨན་གླིང་གནམ་གྲུ་འབབ་ཐང༌། མངའ་རིས་དགུན་ས་གནམ་གྲུ་འབབ་ཐང༌བཅས་ཡིན་ཞིང་། གཞིས་ཀ་རྩེའི་ཞི་བདེའི་གནམ་གྲུ་འབབ་ཐང་ཐད། རྒྱ་སྐོར་དུང་ཕྱུར་ ༤༨༩ ཙམ་བཏང་སྟེ་འཛུགས་སྐྲུན་ལས་གཞི་སྒྲུབ་མུས་ཡིན་ཞིང་། ད་ལོའི་ཕྱི་ཟླ་ ༡༠ ཡས་མས་ནང་ཡོངས་སུ་འགྲུབ་རྒྱུ་ཡིན་འདུག
དབང་སྒྱུར་བའི་གནམ་ཐང་འགྲུལ་ཁང་།
བོད་ཁུལ་གྱི་ས་རིས་དང་མངའ་རིས་ས་ཆ།
བོད་མི་རིགས་ཀྱི་རུས་རྐང་འཆའ་སའི་དུར་ལམ།

 
 
པར་དབང་ཡོད་ཚད་ཤེས་བྱ་ཀུན་འདུས་རྩོམ་སྒྲིག་ཁང་ལ་དབང་བས་ཆོག་མཆན་མ་ཐོབ་པར་བརྒྱུད་འགོད་རིགས་བྱེད་མི་ཆོག
MEEC-Tilak Building, Bhagsu Road,Mcleod Ganji,Dharamsala,Distt.Kangra ( H.P ) Pin-176219- INDIA
འབྲེལ་གཏུགས་ཁ་པར་ཨང། 0091-9418143052 ཨ་རི-00181-23301249
( དྲ་རྒྱ་བཟོ་འགོད་པ་-ཆོས་འཕེལ། Contact-Email ( gyal25@gmail.com )ཁ་པར-9816235456 )