གཙང་པོའི་འཁྱིལ་ཁུགས་ཤིག་ན མེ་ཏོག་བཞིན་བཞད

ལམ་འགྲམ་གྱི་ཁྲོམ་གཞུང་དཀྱིལ་དུ

ཕྱིར་ལྡོག་མི་འདོད་པའི་ལམ་འགྲོ་འགའ

ཁུ་སིམ་མེར་གནས་ཀྱང

ད་ལོར

ཐག་རིང་ཐག་རིང་ནས་འོང་བའི་འགྲུལ་བཞུད་དམག་འཁོར་ལས

ཀི་སྒྲ་དང་མེ་མདའ་མཉམ་དུ་འཐབ་པས

སླར་ཡང སྔོན་མ་སྔོན་མའི་ལྷ་ས

ང་དགུའི་ལྷ་ས་དྲན་སོང

ཆུ་གཉེར་བཞིན་གཡོ་བའི་སེམས་པ་འདིས

འདས་སོང་གི་ལོ་ཟླ་ཅི་ཞིག་དྲན་ནམ
འབར་བཞིན་པའི་མེ་ལྕེ་ཞིག
དབུས་གཙང་ནས་ཨ་མདོ་དང
ཨ་མདོ་ནས་ཁམས་ཕྱོགས་སུ་མཆེད
སྐབས་འདི་འདྲ་ལ
ང་ཚོས་ལྷ་ས་དྲན་ཞིང
ལྷ་སའི་ཕྱོགས་སུ་མིག་ཆུ་བཞུར