འོད་སྣང་ལ་རེ་ཞིང་་ཉི་འོད་ལ་དུངས་པའི་བྱ་ཁྱུ་དཀར་པོ
རྒོད་པོའི་གཤོག་ཟུང་ལས་་
སྐྱི་བསེར་རླུང་གི་སྤུ་གྲི་གཏུབ་ནས
སྙན་པའི་དབྱངས་རྟ་ལས་་་
རིགས་དྲུག་གི་ལང་ཚོ་དྲངས་ནས
འཕུར་ཅིག་་
དམིགས་འདུན་གྱི་ཞིང་ས་རུ ཡིད་འོང་གི་མེ་ཏོག་འཐུ་རུ
ཉི་མའི་གྲོང་གི་བྱ་ཁྱུ་དཀར་པོ
ཧི་མ་ལ་ཡིས་རི་རྒྱུད་བཅད་ནས
ཡར་ཀླུང་གཙང་བོའི་ཆུ་ངོགས་ཉུལ་གྱིན
འཕུར་ཅིག་་ཉི་མའི་འོད་ཟེར་ལས
རང་བྱུང་གི་དངོས་གྲུབ་གནང་སྲིད་ལ
མེས་པོི་གླེགས་བམ་ལས
ལོ་རྒྱུས་ཀྱི་གཏིང་མཐའ་རྙེད་སྲིད
སྙིང་སྟོབས་དང་ལ་རྒྱ་འདྲེན་པས་བྱ་ཁྱུ་དཀར་པོ
ཉི་འོད་ཀྱི་ཟེར་མ་རྒུམ་བཞིན
རི་ཀླུང་འདི་ཟད་རག་བར་དུ
མུན་པ་འདི་གསལ་རག་བར་དུ
གཙང་བོ་འདི་ཆད་རག་བར་དུ
ཉི་མའི་གྲོང་གི་བྱ་ཁྱུ་དཀར་པོ
རྒྱང་རིང་ཡུལ་དུ་འཕུར་ཆོག