ཉེ་བའི་ཆར་བོད་ཟླ༥བའི་ཚེས་༢༥དང་ཕྱི་ཟླ༧པའི་ཚེས་༦ཉིན་ཏེ་བཀྲ་ཤིས་དུས་བཟང་གི་ ཉི་མ་དེ་ནི་ས་སྟེང་རྒྱལ་བསྟན་ཡོངས་ཀྱི་མངའ་ བདག གངས་ལྗོངས་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་དམ་པ་༧གོང་ས་༧སྐྱབས་ མགོན་ཆེན་པོ་མཆོག་དགུང་གྲངས༧༥སོན་པའི་ སྐུའི་འཁྲུངས་སྐར་གྱི་ཉིན་མོ་ཡིན་པ་ཀུན་གྱིས་མཁྱེན་གསལ་ལྟར། བོད་ཆོལ་ཁ་གསུམ་གྱི་ས་གནས་ཡུལ་ལུང་སོ་སོ་ནས་རྣམ་པ་འདྲ་མིན་ཐོག་སྐུའི་ འཁྲུངས་ སྐར་སྲུང་བརྩི་བྱས་ཡོད་འདུག དེ་བཞིན་བོད་མདོ་སྨད་མགོ་ལོག་ཁུལ་གྱི་རྨ་ཡུལ་གླིང་སེང་ཆེན་རྒྱུ་རྩལ་ཚོགས་ པའི་ཚོགས་གཙོ་ལས་ཐོག་པ། གཙང་མཆོད་ བརྟེན་དང་། ཀླུ་མ་སྐད་གྲགས་ཅན་ཀུན་དགའ་སྒྲོལ་མ། དེ་བཞིན་ཚིག་རྩོམ་པ་པོ་གཙང་ཐུབ་བསྟན་ཡེ་ཤེས་སོགས་ཀྱིས་རང་ཉིད་ཀྱི་ལུས་ངག་ ཡིད་གསུམ་གྱི་མཆོད་པ་གླུ་རུ་བཀུག་ནས། རྒྱ་གཞུང་གི་བཙན་གནོན་དང་ཚད་བཀག་གི་བྱ་སྤྱོད་རིགས་ལ་འཇིགས་ཞིམ་མེད་པར་གཞིས་ སྡོད་ བོད་མིའི་སེམས་ཀྱི་སྨོན་པ་ཐ་དག་སྙན་པའི་ངག་ལ་སྐྱོན་ནས་འཛམ་གླིང་གི་ཡུལ་གྲུ་ གང་སར་བསྐྱལ་ཡོད་འདུག གཤམ་དུ་ཁོང་རྣམ་པའི་གཞས ཚིག་དང་སྐད་ངག་ལ་གསན་ཆོག